Thursday, December 11, 2014

KURIPOT GAMER: Booklets! Pwede panghampas ng ipis at patungan ng kape


Joke lang yun title ha, wag mo patungan ng kape ang booklet mo (unless dada-art para sayo ang coffee stain-rings) at wag mo ihampas sa ipis (don't sue me PETA please don't sue me).
Akalain mo, wala pang PHP300 lahat yan. Kuripot to the highest level.
Libreng John Wick! Maging si James Bond ng NBI
Hahahehe. Malaki tiyan na James Bond. ahehehe
Sa mundo ng Isang Libong Unggoy at Isang Libong Makinilya at sa DriveThruRPG, maraming 8-24 page na FREE RPG! WHOO! May mga gawa si Jay ng Philgamer sa 1km1kt na kakaiba (at ka-booklet booklet kasi maiksi lang), kaya pag wala kayong magawa ng mga kasma mo, laruin niyo.

Kung mapapansin mo, sa bawat kumpol kumpol ng unibersidad at kolehiyo ay may mga print at xerox (Dahil walang Pilipino gumagamit ng 'photocopy', may brand loyalty tayo eh. Haha) shop na nakakalat (tambay ako sa mga 'to, nakikisinghot ng xerox powder. Nagbagong buhay na po ako). Kadalasan, may mga bookbinding services din. Mabenta tong mga shop na to sa mga gumagawa thesis na hindi matapos-tapos, mga ideyang di ma-approve approve. Pero dahil walang masyadong RPG books sa bansa, magagamit mo din tong mga 'to para magkaroon ng improv Gaming Store! Yaaay!

Magkano naman?
So... technically may John Wick book na ako. Yay!
Ang isang page ng black print at naglalaro mula sa PHP1-PHP1.50. May option na mapa-booklet print (kung dehins alam ng nagpriprint, nasa print options yun).

Sa UP Diliman shopping center ako nagpriprint kadalasan. Hindi isang page ng PDF ang babayaran mo, yung print sa side ng bond paper ang babayaran mo. PHP1.50 ang isang page doon, so PHP3 kung back to back. Dahil dalawang page ang malalagay mo sa isang side ng bondpaper, magiging ganito ang computation (WHOOO! MATH!)

12 Pages is 3 Leaves. (4 page on each Leaf)
1 Leaf contains 4 pages (2 pages on each side, 4 pages total) = (Dahil PHP1.50, per page, PHP1.50x2) PHP3. PHP3 x 3 = PHP9

(Grabe, sa sobrang pagtitipid ko ginawa ko pa ito)

Sa 9 pesos lang may TRPG book ka na! Kadalsan mga rules-lite, alternative, at storytelling system ang mga ganito libro kaya okay na okay kung trip-trip mo lang maglaro.

32 Pages to lahat, 8 leaves. Madali pa rin itupi
Eh Paano Naman Yung Kapal ng Papel?

Kung nagaalala ka kung kaya ba i-booklet ang 50+ pages, tandaan na sa bawat papel (o dahon) ay may 4 pages. Kaya para magkaroon ng ideya kung gaano ka-kapal ang booklet mo, i-divide by 4 mo ang total ng pages ng ipri-print mo at gamitin ang tantsameter para makuha ang kapal. Hahahehe.

SARPS! Asteeeg!
Binooklet ko ang SARPS (dahil Old School-style roll under your Attribute siya. Hehehe. Pati d6s lang kailangan. D6s! Barebones lang ang system, pero may onting flesh. Malalaro agad ng walang preparasyon. Bisitahin mo 'to) at 32 pages lang siya lahat. Hindi ganoon ka-kapal, sakto lang. Kung tutuusin pwede pa ako magsaksak ng ilan pang pahina. Haha.

Suggestion ko: hanggang 80 pages lang ang i-print. 20 Leaves yun.

Note 12/9/14: Weird, may bayad na ang SARPS sa DriveThruRPG, dati libre eh. Well, i-download mo na lang sa official googledocs site

INSTANT RPG BOOK

Sa Long Bond Paper ko prinint to. Ewan ko kung bakit long
pero OK naman kinalabasan
Astig diba! Dahil nga dito naging RPG shop ko na ang mga print shop sa UP Diliman eh. Haha. Kadalasan, ang mga indie-rpgs na nasa bundles o ZIP files and download ay may kasamang 'booklet' version. Kung may printer ka, pwedeng ikaw na lang din naman magprint. May booklet option sa Adobe printer :) (Haba haba ng blog ko pwede naman palang ikaw na lang magprint. Haha)

'Pag na-print mo na yung mismong booklet, pwede mong i-print yung cover lang sa card stock paper at gawing cover yun. Para matigas-tigas naman yung booklet mo. Pero depende sayo iyon. Ganun ang ginawa ko sa SARPS at sa ReWired. Madali pa ring itupi, hindi naman ganoon ka-kapal ang cardstock eh. Kung iniisip mo kung saan makakabili ng cardstock, meron sa National Bookstore sa halagang PHP20 para sa 10 piraso. Yay!

TANDAAN:
Interestante ang konsepto ng Toypocalypse. Libre pa! 
May mga PDFs na 'not meant to be printed' talaga. Lalo na kung may book copy talaga ang yun. Depende sa moralidad mo iyan: handa ka bang makipagsapalaran sa Bureau of Customs para maka-order overseas (sabihin nating may pera ka), o mas pipiliin mong i-print na lang ang PDF ng walang pakundangan sa walang kamuwang-muwang na author.

Abangan ang susunod na post: HARDBOUND BOOKS FOR THE HARDCORE KURIPOT. Asteeeg!

Hardcore diba! 3rd World Gaming to the bones talaga. At dahil dito na nagtatapos ang article pero may mga pictures pa akong gustong ipagyabang, check these out:

d6 na Cyberpunk. Hardcore to,
sana lang may gumawa ng Manila setting.
My girlfriend actually bothers to teach me photography  :|
Perspective naks!